Jayeless.net

Pri Me

Pri Me

Me esas puero de la yari 1990a; me naskis ed esis edukata en Melbourne, Australia. Me parolas l’Angla (quo es mea denaska linguo) e la Kastiliana (quon me studiis en mea universitato). Me komencis lernar Ido en 2018 (me des­kov­rab­is Esperanto multa yari ante, e me savis ke Ido existis de lore, ma me ne exploris olu profunde til 2018). Me decidis krear Idala fako de mea retsituo por donar me motivo uzar Ido. Bonvole pardonez a me erori; ankore me lernas!

Ultre la Kastiliana, me studiis la historio e la linguistiko en mea universitato. Pos to, me laboris en kelka ofici, maxim recente en instruktado. Me sempre esabas humanista, quo es dicar ke me fidar al kapableso e l’etikala devo di homi esar bona a l’una l’altra. Co naturale duktis me a socialismo, o la dez­iro por radikale demokrata, equitatoza socio (sen stato o klasi), susteninda ekonomio organizata por homala bezoni, ne profito. Me anke esas inter­na­cion­al­ista, do me refuzas artificala dividi inter personi pro frontieri o raso. Es la sama motivo qua igas me interesata pri helpolingui ed suportar socialismo.

Me prizas lingui, quale probable vu deduktabas. Me anke amas rakonti, en multa diferanta formi – libri, cine­ma­to­gra­f­uri, kom­pu­te­ro­ludi – e me specale prizas spekuliva fiktivaji pro quale oli klarigas la homala stando. Me havas romano (en l’Angla) quon me elaborabas dum dek-quin yari, ed uladie me finigar ol. Me amas bestii, e teknologio (klare, nam me facis personala retsituo!) e me pasas kelka libertempo lektante, koquante, promenante e ludante kom­pu­te­ro­ludi. (To ne esas kompleta listo.)

Me ankore habitas en Melbourne, en quartero proxim al plajo kun mea spo­z­ulo Vivian e nia tigratra kato Gidget. Sube vu povas vidar kelka fotografuri de ni tri.

tigratra kato repozanta sur lito; viro esas apud lu viro sen vizajomaskilo e muliero kun vizajomaskilo stacas avan reda-oranjea klifo muliero ridetas al fotografilo dum ke tigratra kato apud el obstinante regardas fore

Pri Ca Retsituo

Me esabas interesata pri facar retsitui depos ke me ludis Neopets en la unesma duimo de la yari 2000a. Pos Neopets, me facis mea propra retsitui per HTML, CSS e simpla PHP, e pos to me havis blogo dum kelka yari per Word­press e, pose, Chyrp.

Ca edituro de mea retsituo uzas la generatoro di situi statikala Hugo, e lojas ye Vercel. Me ipsa kreis la desegno. La koloraro, en modi luma e obskura, es la bonega Nord koloraro. La favikono esis kreata da Avataaars. La social-retala ikoni e la “ligilo extera” ikono esas da FontAwesome, segun lia Cre­at­ive Com­mons BY 4.0 licenco. Me uzas la Littlefoot Java­script-peceto por enlineigar subnoti e la Spoiler Alert! peceto por celar “spoi­lers” til on presas sur oli.

Ca retsituo es konforma al principi de IndieWeb. Vu darfas facar komenturi hike per Webmentions, e anke me uzas Bridgy por “backfeed” prizuri e responduri de sociala reti, por ke li aparos hike quale altra komenturi. Se vu ne savas facar Webmentions, vu povas trovar ula loko adube me sin­di­kat­ig­is mea skriburi, respondar ibe, e vua responduri aparos hike quale magi­ajo. Pro la maniero en quo Bridgy funcionas, ol darfas ne aparar quik hike, ma ecepte ke me odius vua komenturo tante ke me efacus ol ya aparos tan­dem. Danko a Web­men­tion.io, Web­men­tion.js, Web­men­tion.app e kom­pren­ende Bridgy pro facar omna co posibla.

Ca retsituo ne pozas “cookies” en vua retnavigilo. Anke me ne uzas irga altra metodo por sequar vu o kolektar vua datumi personala. Vu povas surfar sen desquietesar 🙂