Pro nulo 😉, yen citajo quon me prizas pri extrem-dextrani (precize, anti-Semidi, ma altra specani di extrem-dextro facas same), da franciana filozofo Jean-Paul Sartre, tradukita ad Ido. Ne valoras la peno argumentar kun ca personi, adminime ne se onua skopo esas konvinkar li ke li esas nejusta. Li argumentas cirkle, kun mala fido, e kredas ke li povas “vinkar” per tek­nik­al­aji kande omnu savas quon li volis dicar (certe, lia extrem-dextrala amiki savas). Lia skopo es nur exhaustar lia opozanti, e igar tro desfacila kontinuar la lukto kontre li. La nura maniero di vinkar la ludo es ne ludar. E pro­skript­ar tala personi de onua spaci, unesme 🤯

Nulatempe kredez ke anti-Semidi esas tote ne­konci­anta pri la ab­surd­eso di sua res­pondi. Li savas ke sua kom­enti esas fri­vola e defi­ebla. Ma li amuzas su, nam lia opoz­anto es qua devas uzar vorti juste, nam es la opoz­anto qua fidas a vorti. La anti-Semidi havas la yuro ludar. Li mem prizas ludar kun dis­kurso nam, per donar rid­inda ex­pliki, li des­kredit­ind­igas la seri­oz­eso di lia kun­parol­anti. Li delek­tas su pro agar mala-fide, nam li volas ne kon­vinkar per legit­ima argu­menti ma timid­igar e des­quiet­igar. Se on presas li tro, li abrupte tac­esk­os, arog­eme indik­ante ke la tempo di argu­ment­ado esas pas­inta.
— Jean-Paul Sartre