Gidget feliceskis multe kande me “rimemoris” quale enswichar la varmigilo! (Vere, ni havas nune ta klasika Melburnala experienco: kolda vetero, malgre ke esas tarda printempo. Ma se Gidget volas esar dankema, me ne plendas 😆)

Recente kande me vizitabas, Gizmo NE permisis me fotografar sua bela rideto. Tamen hodie, lu pregis me por biskuiti, e me havis ideo. “Un bona fotografuro = 1 biskuito,” me dicis a lu. Lu esis hezitema, ma lu obediis 🤣

Esas “katurdio”, do havez fotografuro de kato di mea vicino, Emma! Kande me ekiris por promenar plu frue, lu haltis me ed INSISTIS ke me karezez lu til la fino di tempo. Me nur povis forirar kande lu vidis kolombo e tranceskis (quale fotografita).

Hodie esos okupanta jorno, do me volis publikigar mea fotografuro por “katurdio” ante ke me oblivius (itere!). 😅 Yen Gidget, pensante pri vivo en la komforteso di un ek sua katala turmi.

Yen du recenta fotografuri de Gidget. Me prizas oli, malgre ke la unesma esas kelke desfokoza. Lu esas tre jolia kato 😅

Quale konvinkar mea kato ke ne existas tala kozo quale “duesma dejuno”??? Singladie, quik pos ke me donas lua dejuno a lu, esas: “MIAU! MIAU! MIAU!” (quo es quale on dicas “Donez a me plu manjajo!” en la katala linguo. Anke ol signifikas “Apertez la pordo” e “Vakigez tua gremio por ke me sideskez ibe” – tre flexebla frazo). Donez a me repozo, kato 😩

Mea kato, Gidget, dicis ke me ne povos uzar mea skribotablo-stulo hodie. Me devis vartar, til ke ye 9:16 lu subite kuris al koqueyo e lasis la stulo a me 🤣

Mea spozulo: Me volas karezar la tigro
Me: Ni havas tigro en hemo
La tigro en hemo:

Hodie es “katurdio” (kato + saturdio, quante espritoza), do me havas kelka fotografuri di mea kato Gidget. En preske omna mea recenta fotografuri de lu, lu havas amuzanta mieno FURIOZA pro ke lu vidis uceli en la korto, do to es quon vi recevas. Juez lo!

Altra katala posto de Reddit: “Mea filio plu stulta, Ciril, dormeskis en la teo di sua patro, e pose tresayigis su vekanta kande lu remarkis ke sua vizajo esis humida.” (de ca posto che /r/OneOrangeBraincell )